බෞද්ධයා කියන්නෙ බුද්ධිමත් කියන එකට. ඒ කියන්නෙ බෞද්ධයන් වශයෙන් අපි කරන, කියන යමි කිසි වැඩක් තියෙන්වා නම් ඒ දේ හරියටම දැනගෙන බු‍‍ද්ධිමත්ව කරන්වා කියන එකනේ. එතකොට නුඹලා බුදුන් වඳින කොට නමස්කාරය කියන්නේ ඇයි කියල ඇහුවොත් එකට දෙන උතතරය මොකක්ද?

බුදුන් වඳින්න ඉස්සෙල්ල අපි කියනවා, උන්වහන්සේට නමස්කාරයක් විදිහට කියනවා වගේ උත්තර බෞද්ධයන්ට දෙන්න පුළුවන්ද ? අපි හරියටම නමස්කාරයේ අර්ථය දැන ගමු.

අපි සම්ප්‍රදායානුකූලව කරගෙන එන පුජාවල් තියෙනවා, ඒ අතරින් මල් පූජාව, පහන් පූජාව සහ හඳුන් කූරු ප්‍රධාන තැනක් ගන්නව. අපි නිකමටත් හිතුවද මට මල් පූජාවෙන් නිවන් අවබෝධ කර ගන්න පුළුවන්, මට පහන් පූජාවෙන් නිවන් අවබෝධ කර ගන්න පුළුවන් එහෙම නැත්නම් හඳුන්කූරු පූජාවෙන් නිවන් අවබෝධ කර ගන්න පුළුවන් කියලා.

අපි කරන්නෙ මල් ටිකක් තියලා "වණ්ණ ගන්ධෝ ගුණෝපේතං..." කියන ගාථාව කියලා නිවන් ප්‍රාර්ථනා කරලා ගෙදර එන එක. ඒක නිසා අපි දැන් හරියටම දැනගමු නිවන් මග තියෙන මල් පූජාව ගැන.