අපි සම්ප්‍රදායානුකූලව කරගෙන එන පුජාවල් තියෙනවා, ඒ අතරින් මල් පූජාව, පහන් පූජාව සහ හඳුන් කූරු ප්‍රධාන තැනක් ගන්නව. අපි නිකමටත් හිතුවද මට මල් පූජාවෙන් නිවන් අවබෝධ කර ගන්න පුළුවන්, මට පහන් පූජාවෙන් නිවන් අවබෝධ කර ගන්න පුළුවන් එහෙම නැත්නම් හඳුන්කූරු පූජාවෙන් නිවන් අවබෝධ කර ගන්න පුළුවන් කියලා.

අපි කරන්නෙ මල් ටිකක් තියලා "වණ්ණ ගන්ධෝ ගුණෝපේතං..." කියන ගාථාව කියලා නිවන් ප්‍රාර්ථනා කරලා ගෙදර එන එක. ඒක නිසා අපි දැන් හරියටම දැනගමු නිවන් මග තියෙන මල් පූජාව ගැන.

ඉතින් අපි මළගෙයකට ගියාම, ගොඩක් වෙලාවට දකින එකක් තමයි, "අනිච්ඡාවත  සංඛාරා"  ලොකු කළු අකුරෙන් ලියලා බැනර් එකක් එල්ලලා තියෙනවා. ඉතින් නිකමටවත් අපිට හිතුනද මොකක්ද මේ කියළා තියෙන්නේ? මේකෙ සැඟවුණු දහම් අරුතක් තියෙනවාද කියළා. ඇහුවාම කියන්නේ "සියළුම සංස්කාරයෝ අනිත්‍යයි" කියළානේ, ඉතින් ඕකෙන් මොනව හරි අපි එකතු කරගත්තද ?

සංඛාර වල අනිච්ඡතාවය තේරුම් ගන්න හොද ධර්ම දේශනාවක්, හරියට දැනගමු.